我之前幾年前買咗呢本，當時覺得係啲心靈雞湯，加埋少少基督教元素，無咩感覺。信唔信由你，大家可以自己諗下。現正值聖誕節，好多人飲飲食食慶祝，當然開心啦，但唔好忘記聖誕背後嘅意義——耶穌基督降生，為咗帶給我哋希望同救贖。如果你有時間，不妨睇睇呢本書，或者聽小伙子講下講下，希望喺繁忙嘈吵嘅生活入面，帶畀大家少少安靜、少少安寧、同埋平安。預祝大家同屋企人聖誕安康，快樂！

呢篇文分四個部分講，第一部分想講下我最新搞緊嘅Newsletter同會員內容。之後會每日更新唔同資訊，包括投資、AI、心靈同好書推介。免費版有基本內容，已經可以喺Email收到；但最詳盡、最多料當然係會員版，會有全套內容同埋平台獨家分享。

最近忙緊啲嘢，但之後有時間會加多啲時事、財經，心得畀大家。會員費而家一日6蚊（之前4蚊已經過咗），早加入仲平啲。講真，呢啲內容唔單止講錢，仲有心靈層面，希望幫到大家2026年賺到錢之餘，又賺到好覺好食，更加重要係心靈富足、有平安有力量。

呢本《一念之間》係我2018年買嘅，之後放咗好耐。點知2025年11月，我遇上好多衰嘢：Patreon俾ban、公司有事、屋企人有事，自己心情跌到谷底，身體都出咗啲毛病，有時都會唔開心。

嗰陣時有朋友同我講耶穌，我當時唔係好信，但突然有一晚祈禱完，第二朝好多不適同負面情緒竟然消失咗好多，真係一夜之間舒服咗。我自己都唔敢話一定係神蹟，但感覺好似有股神秘力量幫緊我。之後我先至拎起呢本書嚟睇，仲有小朋友成日唱聖詩，好似喺度提醒我。

呢啲經歷令我開始看看基督教，明白聖誕唔單止係假期，而係上帝因為見世界混亂，派自己嘅仔降生，想教我哋點樣做好人、點樣回歸佢嘅懷抱。可惜人類唔珍惜，最後耶穌喺十字架上為我哋贖罪。呢個故事聽落好感動，真假我唔敢講，但佢真係畀咗我好多力量。所以今次喺聖誕分享呢本書，同大家一齊諗下。

書入面有100個小故事，我揀咗五個最觸動我嘅同大家分享（免費版講頭兩個，後面三個留畀會員）。呢啲故事好短，但背後信息好深。

有個義大利人喺美國學雜技，學成之後好出名。退休時將所有財產換咗一粒超大鑽石，買船票返鄉下。喺船上佢又手癢，拎住粒鑽石當雜技球玩，丟嚟丟去，越丟越高，圍觀嘅人都話「小心啦！」佢就話「我咁多年經驗，點會跌！」點知最後一次全力一擲，一個大浪打過嚟，粒鑽石飛入海，永遠搵唔返。

呢個故事好簡單，但提醒我哋：唔好太自大，覺得自己好勁、一切盡在掌握。世事難料，人嘅力量好渺小，敵不過大自然、敵不過命運。驕傲往往係敗壞嘅開始，正如聖經話：「驕傲在敗壞之先，狂心在跌倒之前。」好多人喺投資、生意上覺得自己叻到爆，最後一個浪打過嚟，就全軍覆沒。見好就收，唔好太貪心。

有個仔大學畢業，望中咗一部跑車，知道阿爸有錢買得起，就同阿爸講畢業想部車做禮物。畢業嗰日，阿爸叫佢入書房，送咗個包裝靚靚嘅禮物盒。佢好興奮，以為係車匙，點知打開係一本聖經，上面仲刻咗佢個名。佢即刻發火，覺得阿爸唔愛佢，省嗰啲錢買聖經，拋低本書就離家出走，從此冇返過屋企。

之後佢自己創業成功，有錢想返去睇阿爸，點知阿爸已經過身。收拾遺物時，先搵返嗰本聖經。打開睇，見到阿爸放咗個書籤喺馬太福音7:11：「你們雖然不好，尚且知道把好東西給兒女，何況你們在天上的父，豈不更把好東西給求他的人嗎？」跟住一條車匙從書入面跌出嚟——原來阿爸早已全數付清嗰部跑車，車匙就藏喺聖經入面。

呢個故事好鼻酸，講我哋有時太衝動、太心急下結論，錯過咗最珍貴嘅禮物同祝福。可能父母、朋友講嘅話、送嘅嘢，當時唔明白，甚至覺得係攻擊，但背後其實係為我哋好。等明白嘅時候，往往已經太遲。

後面三個故事更加觸動，小伙子留畀會員詳細講。如果你想知完整五個故事、同埋更多心靈同投資分享，歡迎加入會員（BeeHive平台），一日6蚊，有全片、有獨家內容、有回顧，絕對值得。