會員福利慢慢製作中！猛料出入市.美股. crypto. AI工具. 心靈. 好書.！不急. 大家想拎早鳥超優惠！記得填表/俾意見！
大家好，又係我小火子《暖水池》。呢條片好緊要，因為係我由2021年牛市一路到2025年10月8日終極牛市逃頂，心路歷程嘅總結，再加埋自己呢幾年嘅血淚觀察，講真，我有時覺得自己真係「因快得慢」嘅典型。
我成日貪快：雖然有時有賺，但賺得唔多，有時仲蝕，仲要成日心驚膽跳。呢啲全部都係因為「貪快」。
我沉思咗一兩個月，真係覺得好多意外、好多危機，背後都係「貪快」兩個字：
交通意外 — 趕時間玩手機畀車撞
火災死好多人 — 貪快圍咗十幾層鐵網，火嚟走唔出
煮野食都係，慢慢煮先好味，急急忙忙煮出嚟又硬又鞋
連心態都係，畀人激到想即刻反擊，其實越急越亂，最後仲要花十倍時間收科。
所以我而家得出一個結論：欲速則不達，慢才是最快。
你睇下全世界最有錢最穩陣嘅人：
巴菲特：一隻可樂、一隻股票，揸六七十年
輝達：磨咗十幾二十年，浮浮沉沉先爆
李嘉誠：由塑膠花做到地產，成日都係穩穩陣陣，從來唔係聽到邊個行業熱就All in
我呢幾年最大教訓就係：想快啲賺100倍，結果成晚瞓唔著、精神差、連健康都受影響。賺到啲錢，但瞓唔著嘅夜晚，抵唔抵？
有時真係諗深一層：
買SPY、QQQ、甚至買金，雖然「慢」，但由500蚊買到而家600幾，穩穩陣陣，瞓得著、唔使成日睇盤，已經打贏99%玩幣嘅人。
我而家明白咗，投資同人生一樣，最貴嘅唔係錢，係時間同精神。
你為咗追快，失去咗瞓覺、失去咗健康、失去咗同屋企人好好相處嘅時間，到頭來賺咗錢但生活質素跌晒，係咪真係贏
所以我決定咗：之後無論做投資、做內容、做生意，都要以「慢」為主。
唔再成日諗「贏唔贏」「賺唔賺」，因為一用「贏輸」嘅心態，就已經畀自己好大壓力，壓力一嚟，情緒就亂，迟早崩。
而家我只問一句：「呢樣嘢會唔會影響我瞓覺、影響我心情、影響我同屋企人相處？」如果會，我就唔做。
願意慢下來嘅人，先係真正嘅大贏家。
贏嘅唔單止係錢，仲有心靈健康、有同屋企人開心食飯嘅時間、有早睡早起身精神好嘅自己。
我而家錄片都覺得係最開心嘅事，唔使急，慢慢講，講完浸返浸暖水池，人生就係咁簡單。
多謝你哋陪我浸咗咁耐暖水，聽我講咁多
有咩感想歡迎下面留言，或者PM我傾偈。想一齊浸暖水、分享人生、講投資講心靈，隨時歡迎！
下條片再同你哋一齊浸暖水，慢慢傾。
拜拜～祝大家生活開心，瞓得好，健康就係贏！
咩事都可以email我
會員福利慢慢製作中！猛料出入市.美股. crypto. AI工具. 心靈. 好書.！不急. 大家想拎早鳥超優惠！記得填表/俾意見！